Ang Lalaki sa Party

Nagsimulang siyang umindak sa saliw ng musikang bago sa aking pandinig.

"I gotta feeling that tonight's gonna be a good night. That tonight's gonna be a good night. That tonight's gonna be a good, good night…"

Ang bawat galaw ng kanyang baywang ay tila isang drogang unti-unting kumakain sa akin. Dinadala sa pagkalimot… Nag-aanyayang sabayan ang kanyang pagsayaw…

Subalit wala akong lakas ng loob para siya ay lapitan.

Ngumi-ngiti sya habang sinasabayan ang kanta.

"I gotta feeling that tonight's gonna be a good night. That tonight's gonna be a good night. That tonight's gonna be a good, good night..."

Lumalabas ang kanyang dimple.

Hindi sya tumitingin sa aking direksyon pero ako'y tila natutunaw na ng kanyang malalalim na mata.

"Kane!" Tinawag siya ng isang kakilala.

"Kane… Kane… Kane…"

Nagpaikot-ikot sa aking utak ang kanyang pangalan.

Mukhang pauwi na siya pero hindi ko pa rin siya nakakusap. Puro blogger ang mga bisita, marahil blogger rin siya. Paano ko kaya siya muling makikita… makakausap…

August noon sa Richmonde hotel.

Natapos na ang kanta, pero sa utak ko'y tuloy-tuloy pa rin ang musika.





Nakita ko ang blog niya pagkatapos ng siyam na buwan.

Kane Sulfur.

Kailangang maglakas-loob.



"You looked for me?"
          "Yes."
"But I wasn't lost."
          "You were lost to me."